लॉकडाऊन दरम्यान कमीतकमी तीन मंदिरांच्या दानपेट्या आणि दुचाकी चोरल्याप्रकरणी गेल्या आठवड्यात खांदेश्वर पोलिसांनी पनवेलमधील तीन जणांना अटक केली. आरोपींना चोरीच्या चार दुचाकी आणि दानपेटीसह पकडण्यात आले असून ८५,५०० रुपयांची नकद जप्त करण्यात अली आहे.
खान्देश्वर पोलिसांनी दिलेल्या माहितीनुसार, संतोष चव्हाण (वय २६), सूरज देवरे (वय २०) आणि आकाश गाडे (वय २०) अशी आरोपींची नावे आहेत. या तिन्ही जणांवर चोरीच्या अनेक गुन्ह्यांची नोंद आहे.
“तपासणी दरम्यान आम्हाला आढळले की या माणसांनी कमीतकमी तीन मंदिरांच्या देणगी बॉक्समधून चोरी केली आहे. हे लोक स्कूटर चोरत असत, रात्रीच्या वेळी मंदिरांवर छापा टाकून दानपेट्या चोरत असत. सीसीटीव्ही फुटेजच्या आधारे या तिघांना पनवेल येथून ताब्यात घेण्यात आले आहे, ”असे खान्देश्वर पोलिस स्टेशनचे पोलिस उपनिरीक्षक वैभवकुमार रोंगे यांनी सांगितले.
हे तिघे खानदेश्वर आणि पनवेलमध्ये चोरी करीत असत. त्यांच्या ताब्यातून चार स्कूटर जप्त करण्यात आले आहेत. या तिघांनी खांदेश्वर येथे रेल्वे रुळांजवळ दुचाकी पार्क केल्या होत्या आणि त्यांनी नंतर विक्री करण्याचे ठरविले.
गुरुवारी पनवेल येथून आरोपींना अटक करण्यात आली असून ते पनवेल रेल्वे स्टेशन च्या बाजूला झोपडपट्टीत रहातात. त्यांच्यावर एकूण सात प्रकरणात घर तोडणे आणि चोरीचा गुन्हा दाखल करण्यात आला आहे.