नगर परिषदेशी संलग्न प्रामाणिक सफाई कामगार सिद्धार्थ कसारे आणि त्यांची पत्नी स्मिता यांनी महागड्या सोन्याच्या मंगळसूत्रासह हरवलेला पर्स परतवल्यावर त्यांचे कौतुक केले जात आहे.
“मला नुकतीच उरण शहरातील माझ्या घराजवळ एक पर्स पडलेली आढळली. ती माझ्या पत्नीच्या पर्स सारखी दिसत होती म्हणून मी ते उचलले आणि नंतर माझ्या पत्नीला विचारले की चुकून तिची पर्स हरवली आहे का? जेव्हा ती म्हणाली की तिची पर्स तिच्याजवळ आहे तेव्हा आम्ही पर्स उघडून बघितली आणि त्यामध्ये काही रोकड व इतर कागदपत्रे सोबत जड सोन्याचे मंगळसूत्र सापडल्याने आम्हाला धक्का बसला, ”असे कासरे यांनी सांगितले.
त्यानंतर या जोडप्याने त्यांच्या स्थानिक संपर्कांना विचारण्यास सुरुवात केली आणि मालकाचा शोध घेण्यासाठी व्हॉट्सऍपवर हरवलेल्या पर्सबद्दल माहिती प्रसारित केली. नक्कीच, उरणमधील गृहिणी, प्रीती घरत हिने व्हॉट्सऍपवरील पोस्ट बघून सिद्धार्थ कसारे यांना संपर्क केला आणि तिचा हरवलेला पर्स परत मिळवण्यासाठी त्यांना भेटण्यासाठी धाव घेतली.
“आम्ही सुरुवातीला पर्स मालकाला सोन्याच्या मंगळसूत्त्रा बद्दल सांगितले नव्हते, कारण आम्ही ती खरोखर तिची आहे की नाही याची पुष्टी करण्याची आमची इच्छा होती. तथापि, स्वतः प्रीती घरत यांनी आम्हाला जेव्हा सहा तोळे सोन्याचे हार (तीन लाख रुपये किमतीचे)पर्स मध्ये असल्याचे सांगितले तेव्हा आम्ही “प्रसन्नतेने ती इतर सामग्रीसह तिच्याकडे दिली,” असे कासारे यांनी सांगितले.
घरट यांनी सांगितले: “सोन्याचे मंगळसूत्र असलेले माझे पर्स गमावल्यानंतर मी खूप चिंताग्रस्त होते. नुकतेच माझ्या कुटुंबीयांनी उरणमध्ये आपले घर बांधण्यासाठी खूप पैसे खर्च केले; त्यामुळे हे महत्त्वाचे दागिने गमावले जाणे त्रासदायक होते. म्हणूनच ते कसारे यांच्याकडून परत मिळवून मला खूप आनंद झाला. ते दोघेही खूप प्रामाणिक आहेत. “
कसारे दाम्पत्याच्या या प्रामाणिक हावभावाचे कौतुक करावे, असे आवाहन नागरिकांनी व कार्यकर्त्यांनी स्थानिक नगरपालिका व राज्य सरकारला केले आहे. “उरण नगरपरिषदेने उच्च प्रामाणिकपणा दाखविल्याबद्दल त्यांचे नागरी कर्मचारी, कासारे आणि त्यांची पत्नी यांना बक्षीस दिलेच पाहिजे. सफाई कामगार सध्याच्या आर्थिक मंदीमुळेही लोभाला झुकला नाही याबद्दल आम्हाला खूप आनंद झाला आहे.
नवी मुंबई येथील दागिन्यांच्या दुकानातून १२ लाख रुपयांची मौल्यवान वस्तू चोरली